Nasikop ang usa ka senior citizen human nakuhaan og gituohang shabu sa gihimong hiniusang buy-bust operation sa kapulisan kaganihang kadlawon, Mayo 26, 2026, sa Purok 12, Barangay Saray sa dakbayan sa Iligan.
Ang 60-anyos nga suspetsado nadakpan human sa pipila ka adlaw nga surveillance ug pagpaniid sa mga operatiba.
Nasakmit gikan kaniya ang gibana-bana nga 1.3 gramos sa ilegal nga droga, buy-bust money, ug uban pang paraphernalia nga gidala na sa crime laboratory alang sa eksaminasyon.
Matud ni PMAJ Neil Mark Quipanes, Station Commander sa PS5, ang maong operasyon nagpamatuod nga walay gipili nga edad o estado sa kinabuhi ang kapulisan sa pagpatuman sa balaod aron mapanatiling luwas ug malinawon ang komunidad.
Kasamtangang anaa sa kustodiya sa kapulisan ang suspetsado ug giandam na ang tukmang kaso batok kaniya tungod sa paglapas sa R.A. 9165 o ang Comprehensive Dangerous Drugs Act of 2002.