Gipasundayag ni Miss Universe Philippines Bea Millan Windorski ang kamahinungdanon sa sampaguita isip simbolo sa kulturang Pilipino ug sinserong pagdawat sa isigkatawo.
Sa iyang social media post nga gilakipan sa mga litrato, gipaambit ni Windorski nga ang pag-abiabi sa usa ka tawo pinaagi sa sampaguita dili lamang yano nga paghatag og bulak o garland, kondili usa usab ka pagpakita sa pagpasidungog sa kulturang Pilipino.
Sumala niini, nagsimbolo ang sampaguita sa kaputli, pagkamapainubsanon, pagtahod ug kinasingkasing nga pagdawat sa isigkatawo.

