Opisyal nang ginganlan og “Gilas Hiraya” ang women’s national basketball team sa Pilipinas human kini gilusad sa Samahang Basketbol ng Pilipinas (SBP) ug sa University Athletic Association of the Philippines (UAAP) niadtong Sabado, Nobyembre 14.
Ang pulong nga Hiraya nagkahulogan sa katumanan sa damgo, paglaom, ug tinguha. Gipili kini sa SBP aron mahatagan og kaugalingon ug talagsaon nga identidad ang koponan, imbes nga magpabilin lang sa anino sa men’s team, ug aron makakulit og bag-ong kasaysayan sa natad sa basketball.

