Trump gipasigarbo ang kadaogan  taliwala sa resulta sa mahitabong pakighisgot sa Iran

Wala nabalaka si President  Donald Trump bisan pa og positibo o sukwahi  ang mahimong resulta sa gihimong pakighisgot tali sa Iran ug Estados Unidos.

Matud pa niini, bisan pa og magmalampuson o dili ang negosasyon, ang importante giangkon niini nga nagmadaogon na sa militar nga aspeto ang United States of America batok sa Iran.

Gipanghinambog usab ni Trump nga mas labaw ang gahum militar sa US tandi sa Iran.

Sa kasamtangan, nagpadayon ang pakigpulong sa mga opisyal sa Iran ug US sa Pakistan aron masulbad ang nagpadayon nga panagbangi ug mapahunong ang kagubot.

Ang maong mga panagtigom gitutokan sa pagpangita og pamaagi aron malikayan ang dugang nga eskalasyon sa tensyon tali sa duha ka nasud.