MALAYBALAY CITY — Nagbahad nga magpahigayon og mass action ug transport strike ang usa ka pederasyon sa transportasyon sa Region 10 kon mapakyas ang ilang petisyon nga pataasan ngadto sa ₱15 ang minimum nga pletehan alang sa unang upat ka kilometro.
Sa pakighinabi sa Bombo Radyo Malaybalay kang Joel Gabatan, Regional Coordinator sa National Confederation Transportation Unit (NCTU), iyang gipadayag nga gawas sa pletehan, gihangyo usab nila ang pamunoan nga magdugang og mga gasolinahan nga makahatag og ₱10 nga diskwento kada litro sa diesel.
Gisulti ni Gabatan nga sa karon, dili pa sila moapil sa gihulga nga transport holiday sa ubang grupo habang padayon pa ang ilang pormal nga pakigsulti sa gobyerno. Apan kon dili gihapon paminawon ang ilang mga gipangayo, posibleng modangop sila sa hiniusang pag-undang sa pamasada sa tibuok rehiyon.