Alex Eala ug Shaira Rivera, sulod sa ikaduhang round sa women’s tennis doubles 

Sulod sa ikaduhang round sa women’s tennis doubles sa 20th Asian Games sa Aichi-Nagoya, Japan, ang mga Pinay nga sila Alex Eala ug Shaira Rivera.

Gipildi sa pares ang mga representante sa Hong Kong nga sila Lai Ching Laam ug Liu Kallista, 6-1, 6-3.

Kontrolado sa mga Pinay ang unang set ug bisan misulay og bawi ang Hong Kong sa ikaduhang set, nagpabilin nga dominante sila Eala ug Rivera hangtod sa kataposan.

Kini na ang ikaduhang sunod-sunod nga daog sa Pilipinas sa women’s doubles human nakadaog usab sila Tenny Madis ug Stefi Aludo batok kang Anjali Junarto ug Meydiana Reinnamah, 6-3, 7-6(4), niadtong Lunes.

Sa sunod nga round, atubangon nila Eala ug Rivera ang Chinese pair nga sila Xinyu Jiang ug Zhaoxuan Yang.