Gilauman nga mokabat sa P11 matag bulan ang matipid sa usa ka ordinaryong panimalay kung tangtangon ang non-technical system loss sa bayranan sa kuryente.
Atol sa interpellation ni Senate President Sherwin Gatchalian sa sponsor sa Senate Bill No. 2486 o Systems Loss Charge Removal Act nga si Senator Erwin Tulfo, miingon si Tulfo nga gibase ang pagtantiya sa konsumo nga 200 kilowatt-hours kada bulan.
Ang non-technical system loss kasagarang nalambigit sa electricity theft, meter tampering ug paggamit og jumper.
Kini nga matang sa system loss maoy gustong tangtangon sa panukala aron dili na ipasa sa mga konsumidor ang katumbas nga gasto.
Matud ni Tulfo, mokabat sa P11 kada bulan ang gilauman nga bawas sa bayranan sa usa ka ordinaryong pamilya gikan lamang sa non-technical system loss, wala pa lakip ang posibleng epekto sa pagtangtang sa value-added tax niini.