Celine Dion, gisorpresa ang audience sa Paris Fashion Week 

Nakurat ang mga audience sa Paris Fashion Week human kalit nga mitumaw ug mikanta ang Canadian singer  nga si Celine Dion ubos sa iconic nga Eiffel Tower.

Gikanta niini ang iyang sikat nga awit nga “I’m Alive,” nga unang nisikat niadtong 2002, sa wala pa kini misaka sa runway human sa performance.

Kahinumduman nga mihunong una kini sa regular nga mga pasundayag human madayagnos niadtong 2022 og stiff person syndrome, usa ka talagsaong neurological disease.

Ang iyang katapusang concert sa wala pa ang iyang pagbalik sa entablado nahitabo niadtong 2020 sa New Jersey. Karong tuiga, nakabalik na siya sa live performances sa Paris.