Nakasulod sa semifinals sa women’s singles tennis ang Pinay tennis star nga si Alex Eala, human niya gipukan ang atleta gikan sa Chinese Taipei nga si Joanna Garland sa pikas bahin sa quarterfinals sa 2026 Asian Games.
Nahimong sikit ang sangka sa unang set diin nakakuha pa og set point si Garland sa marka nga 5-4, apan gipakita ni Eala ang iyang kalig-on aron dag-on ang tulo ka sunod-sunod nga duwa ug makuha ang unang set, 7-5. Sa ikaduha nga set, hingpit nga nidominar ang Filipina tennis star pinaagi sa pagharos sa 6-0 sweep.
Tungod sa maong pag-abante sa semifinals, nakaseguro na si Eala og dili ubos sa bronse nga medalya alang sa Pilipinas. Nakatakda niyang harongon sa sunod nga sangka ang beteranang si Wang Xiyu sa China, alang sa iyang tinguha nga makasulod sa finals ug makasakmit og bulawanong medalya alang sa nasud.