Gisubay karon sa House prosecution panel ang posibleng pakigsaboy sa sunod-sunod nga paghatag og mga kontrata sa gobyerno sa Dakbayan sa Dabaw ngadto sa kompanyang GenCorp Industries.
Sa pahayag ni House prosecution spokesperson ug Lanao del Sur Representative Zia Alonto Adiong, nakakuha ang GenCorp og 19 ka kontrata nga nagbalor og kapin ₱33 milyon gikan kaniadtong tuig 2022 hangtod 2026, diin 15 niini miagi sa small-value procurement.
Gikwestyon ni Adiong ang kalabutan sa tag-iya sa GenCorp nga si Jaime Cruz ug Dakbayan sa Dabaw Mayor Sebastian “Baste” Duterte, nga una nang niangkon nga kauban kini sa negosyo. Gipatugbaw usab ni private prosecutor Atty. Benjamin Tolosa nga si Vice President Sara Duterte mismo ang nagdeklara sa iyang financial interest sa GenCorp diha sa iyang Statement of Assets, Liabilities, and Net Worth (SALN).
Sa kasamtangan, anaa na sa mga senador-hukom ang pagdesisyon kon adunay igo nga ebidensya sa paglapas sa Konstitusyon bahin sa maong mga kontrata diha sa gipahigayong impeachment trial.