19-anyos nga tigpayuhot og ilegal nga droga sikop sa Quezon, Bukidnon

Nakumpiska gikan sa usa ka 19-anyos nga lalaki ang 0.9 gramos nga gituohang shabu atol sa buy-bust operation sa Barangay 1B, Poblacion, Quezon, Bukidnon alas 11:30 sa gabii niadtong Setyembre 29, 2026.

Giila sa kapolisan ang suspek nga alyas Clay, residente sa San Jose, Quezon. Ang nakumpiskang gituohang shabu adunay Standard Drug Price nga P6,120, lakip ang P500 nga gigamit nga buy-bust money.

Gipahigayon ang operasyon sa Quezon MPS uban sa 2nd PMFC, Bukidnon PPO ug Bukidnon PIU, sa koordinasyon sa PDEA.

Anaa na sa kustodiya sa Quezon MPS ang suspek ug atubangon ang kasong paglapas sa Sections 5 ug 11, Article II sa Republic Act 9165.