Mideklara og dakong paglaom ug pagsalig ang Philippine Olympic Committee nga modaghan pa ang mahakot nga bulawanng medalya sa Pilipinas sa nagpadayon nga 20th Asian Games nga gipahigayon sa Aichi-Nagoya, Japan.
Sumala sa pamahayag sa athletic body, gilauman ang dugang nga kadaugan human miharos ang duha ka higayon nga kampeon sa Olympics nga si Carlos Yulo ug nakasakmit sa labing unang bulawan nga medalya sa nasud pinaagi sa iyang pagpanguna sa floor exercise.
Adunay taas nga kahigayonan nga makadungag pa si Yulo sa maong medalya tungod sa iyang pagsabak sa katapusang sangka o finals sa parallel bars ug vault nga bahin karong adlawa.
Gawas niini, misulod usab sa finals ang duha ka pambato sa nasud sa skateboarding nga sila si Mazel Paris nga nag-edad og 12 anyos ug si Jericho Francisco.
Dugang pa sa POC, dako usab ang salig sa nasud nga makakuha og dugang dungog gikan sa mga atleta sa dula nga boxing ug sa pambato sa pole vault nga si EJ Obiena sa mga sunod nga kompetisyon.