Usa ka kanhing political instructor sa Regional Operations Command–Far South Mindanao Region o ROC-FSMR sa CPP-NPA-NDF ang mibalik sa sabakan sa balaod human pusila sa iyang kaugalingong mga kauban sa Tagum City niadtong Septiyembre 19.
Giila sa mga alyas nga “Lovie,” “Tikong,” ug “Yassie,” nga nagsilbi usab isip medic sa grupo.
Human sa insidente, nangayo siya og tabang sa South Cotabato provincial government alang sa pagtambal ug seguridad.
Matod ni Lovie, nakadesisyon siyang mobiya tungod sa hulga sa iyang kinabuhi, kalisod sa pagtago sa kabukiran ug sa tinguha nga magkinabuhi og malinawon, ilabina nga nagmabdos siya.
Gipasalig usab ni 603rd Infantry Brigade Acting Commander Colonel Glenn Loreto T. Caballero nga andam ang gobyerno motabang sa mga rebelde nga gustong mobiya sa armadong pakigbisog.