Gi-postpone sa San Pablo, Laguna Regional Trial Court ang pagluwat og warrant of arrest batok sa negosyanteng si Charlie ‘Atong’ Ang.
Kini ang gikumpirma ni Justice Spokesperson Atty. Polo Martinez sa pamahayag niini kalabot sa nag-ung-ong nga kaso nga gipasaka sa korte.
Matud niini nga gi-defer ug dili usa magpagawas og warrant of arrest ang korte subay sa mosyon nga gisang-at sa pikas kampo.
Sigon sa tigpamaba, nga giduso ang motion to suspend proceedings sa pugante nga si Atong Ang hinungdan nga wala pay warrant nga gipagawas.
Gikaingong aduna kini kalahian sa ubang mga korte nga nauna nang nag-isyu og warrant of arrest batok ni Ang sa susamang mga kaso nga gipasaka sa prosekusyon batok kaniya.
Kini nga mga korte mao ang Regional Trial Courts sa Sta. Cruz, Laguna ug Lipa City sa Batangas.
Gipadayag usab ni Prosecutor General Richard Anthony Fadullon sa National Prosecution Service nga gawas sa pag-postpone sa pag-isyu sa warrant of arrest, mipagawas usab og kamandoan ang korte.
Matud niini, nga gimando ang pagsumite sa mga ebidensya ug bisan ang pipila ka mga counter affidavit sa mga respondents samtang ang reklamo anaa pa sa departamento o nagpadayon ang preliminary investigation.
Gumikan niini, gipasabot sa opisyal ang proseso sa korte, hilabi na sa isyu sa warrant of arrest batok sa usa ka akusado.
Matud ni Prosecutor Gen. Fadullon, nunot sa pormal nga pagpasaka sa kaso ngadto sa korte, aduna kini pipila ka adlaw sa pagrepaso sa impormasyon nga gisumite.
Sulod sa napulo ka adlaw, tukion sa korte kung aduna bay igong hinungdan ug basehanan aron magpagawas kini og warrant of arrest.
Ang pugante nga si Charlie ‘Atong’ Ang, nag-atubang kini og kasong kidnapping with homicide ug kidnapping with serious illegal detention kalabot sa pagkahanaw sa mga sabungero, ug kasamtangan nga padayong gipangita sa mga otoridad.