Nakadugang og bronze nga medalya si sambo fighter Aislinn Yap alang sa Team Philippines pipila ka adlaw sa dili pa pormal nga pagtapos sa 2025 World Games sa Chengdu, China.
Naka-abante sa podium si Yap human niya mapildi ang kontra nga taga-Costa Rica ug masiguro ang tanso sa sambo combat 80kg category.
Kini ang na ang ika-upat ka medalya sa Pilipinas sa Chengdu World Games.
Dugang pa niini, nakadaog og silver sila si Kaila Napolis sa women’s -52kg ju-jitsu ug si Chezka Centeno sa women’s 10-ball, samtang nakakuha usab og tanso si Carlos Baylon Jr. sa men’s wushu sanda 56kg class.
Uban ang upat ka medalya, malipayong mipahayag si Chef de Mission Stephen Arapoc sa Muay Thai Association of the Philippines sa kadasig ug performance sa mga Pinoy athletes.
Apan wala pa kini matapos, diin nga mosalmot pa ang mga Pinoy sa duathlon mixed relay sa Xinglong Lake Hubin Arena.
Maningkamot usab og medalya si powerlifter Regie Ramirez sa men’s lightweight division sa Hi-Tech Zone Sports Centre Gymnasium.