Gikumpirma sa Samahang Basketbol ng Pilipinas (SBP) nga giila na sa FIBA isip lokal nga mandudula si Quentin Millora-Brown.
Matud ni SBP President Al Panlilio, dako kini nga balita alang sa Gilas Pilipinas kung mapasulod na nila si Brown sa ilang lineup.
Tungod niini, mahimo na nga malakip si Millora-Brown sa mga lokal nga mandudula sa Gilas Pilipinas.
Sa una nang miluwat si Gilas coach Tim Cone, nga dako kaayong tabang kung makauban nila si Millora-Brown.
Lakip na usab kini sa Gilas sa ilang exhibition game batok sa Macau Black Bear sa wala pa magsugod ang FIBA Asia Cup sa Jeddah, Saudi Arabia.
Ang 6-foot-10 nga si Millora-Brown natawo sa US ug apo sa usa ka Pinoy nga doktor.
Miaging tuig, si Millora-Brown usab ang nahimong yawe aron makuha sa University of the Philippines Fighting Maroons ang UAAP Season 87 men’s basketball title.