- Advertisement -
Misugot si Russian President Vladimir Putin nga dili usa niini atakihon ang nasud nga Ukraine.
Sumala ni Putin, kini mismo ang hangyo kaniya ni US President Donald Trump nga duna’y mahitabo nga usa ka semana nga paghunong sa mga pag-atake.
Gikumpirma kini ni Trump diin giingon niya nga personal kini nga request ngadto kang Putin tungod sa grabe nga katugnaw o extreme cold nga nasinati karon sa rehiyon.
- Advertisement -
Tumong niini nga lakang mao ang paghatag og higayon nga ma-organisar ang negosasyon alang sa kalinaw ug aron hingpit nga makab-ot ang usa ka permanente nga ceasefire.
Wala na hinuon gidetalye pa ni Trump kon kanus-a eksakto nahitabo ang ilang panag-istorya ni Putin mahitungod niini.
- Advertisement -