Nasikop sa mga awtoridad ang Top 2 Most Wanted Person sa regional level pinaagi sa usa ka operasyon nga gipahigayon sa Kinoguitan, Misamis Oriental.
Ang 21-anyos nga suspek gidakop base sa mga warrant of arrest may kalabutan sa sa statutory rape (5 counts) nga walay gitugot nga piyansa.
Lakip usab niini ang kasong sexual assault (5 counts) nga adunay gitakdang piyansa nga mubalor sa kantidad ₱200,000 matag kaso.
Ang maong operasyon gipanguluhan sa 1st Provincial Mobile Force Company, kauban ang Provincial Intelligence Unit sa Misamis Oriental Police Provincial Office (MORPPO), Regional Intelligence Unit, ug Regional Mobile Force Battalion 10 (RMFB-10).
Sa pagkakaron, anaa na sa kustodiya sa kapulisan ang dinakpan ug itugyan ngadto sa korte alang sa tukmang proseso sa pagpasaka og kaso.