Misamot ang kabalaka sa tibuok kalibutan human giingong giatake sa mga tropa sa Iran ang tulo ka mga cargo ship sa Strait of Hormuz niadtong Miyerkules, Abril 22, 2026. Ang maong pagpamuto ug pagpang-atake gihimo sa Revolutionary Guard sa Iran taliwala sa nagpadayon nga blockade sa Amerika sa mga pantalan sa maong nasod.
Sumala sa mga report, duha sa maong mga barko ang gisakmit sa mga otoridad sa Iran ug gidala ngadto sa ilang teritoryo, samtang ang ikatulo nga barko giingong “nasangad” sa baybayon human kini girakratan. Kini nga hitabo naghatag og dako nga pagtagad sa tibuok kalibutan tungod kay kini nakapaluya sa mga paningkamot alang sa usa ka peace deal tali sa US ug Iran.
Tungod sa maong tensyon, misaka na usab ang presyo sa lana ngadto sa hapit $100 matag bariles. Nabalaka usab ang Department of Foreign Affairs (DFA) tungod kay libu-libo nga mga Pilipinong seafarers ang kasamtangang stranded sa maong ruta, nga gikonsiderar nga usa sa labing importante nga agianan sa lana ug gas sa tibuok kalibutan.