Rep. Leviste, nanawagan sa Palasyo nga imbestigahan ang giingong isyu sa pang-apod-apod og ayuda 

Nanawagan si Batangas 1st District Representative Leandro Leviste sa Office of the President nga imbestigahan ang mga taho sa diskriminasyon sa pagpang-apod-apod og ayuda.

Gibutyag ni Leviste nga  aduna’y mga kapitan nga wala hatagi og ayuda human giingnan sa presidente sa Liga ng mga Barangay nga nahi-ubos  kuno kanila si Governor Vilma Santos-Recto.

Giklaro sa kongresista nga napadangat  na kini nga isyu sa Malacañang, diin gipasalig sa Palasyo nga iapas ang tag-P200,000 alang sa mga barangay nga wala maapil sa distribusyon karong adlawa. 

Nanawagan usab si Leviste kang Presidente Ferdinand Marcos Jr. nga sigurohon ang paghatag sa maong pundo ug imbestigahan ang pagdumala sa ayuda nga gipangunahan kuno ni Executive Secretary Ralph Recto.