Gitugutan sa National Commission on Indigenous Peoples (NCIP)-Bukidnon uban ang pipila ka mga lider sa 7 ka tribu nga makapresenta og datu ang banay sa Provincial Agriculture’s Office (PAgrO) ug organizers sa bag-ohay lamang natapos nga Lechen Festival aron makatabang kanila sa pagsulbad sa dakong kantidad nga gipangayo sa NCIP isip pagpasig-uli.
Sa eksclusibong pakighinabi sa Bombo Radyo Malaybalay ngadto na kang Ronaldo Baya-on, Acting Provicial Officer sa (NCIP)-Bukidnon, nga bisan pa unsa kadako ang pangayuon sa tribu dili kini lisod sulbaron kon adunay usa ka datu nga adunay kahanas sa pagtuki sa customary law.
Dugang pa niini, gipasabot ni Baya-on nga aduna nay inisyal nga panaghisgot sa mga tribal leaders nga ang pito ka kabaw nagkinahanglan og representasyon sanglit dili kini matuman apan kinhanglan muagi sa panaghisgot pinaagi sa paghatag og pito usab ka representasyon.
Samtang sa pikas bahin, gibutyag niini nga kakulang sa koordinasyon sa event organizers ngadto sa NCIP ang hinungdan sa maong isyu sa paglusad og pipila ka kalihukan busa nanawagan kini nga kon mahimo kinahanglan makigkoordinar sa hingtundan sa sunod higayon aron malikayan ang susamang problema.