Pahayag ni Trump sa Iran execution halt, gihimakak sa Tehran

Gipadayag ni U.S. President Donald Trump nga mitugot ang Iran nga dili na idayon ang pagbitay sa walo ka babayeng raliyista human sa iyang hangyo.

Matud ni Trump, upat ang palayason dayon samtang ang upat makulong og usa ka bulan, butang nga giila niini nga usa ka dakong kalampusan.

Apan, hugot kining gihimakak sa Iran ug giingong “gawa-gawa” lang kini sa Amerika.

Matud sa mga awtoridad sa Iran, wala kini plano nga bitayon ang maong mga babaye ug gigamit lang ni Trump ang isyu aron magpakitang-gilas taliwala sa nagkagrabe nga tensyon sa rehiyon.

Sa pagkakaron, wala pa’y dugang opisyal nga pahayag ang duha ka nasud bahin sa maong panagsumpaki.