Nakatingkagol karon sa selda sa kapulisan ang usa ka lalaki human kini gisilbiwan og warrant of arrest tungod sa paglapas sa Republic Act 9262 o ang Violence Against Women and Their Children Act sa Malaybalay City, niadtong Abril 22, 2026.
Giila sa kapulisan ang dinakpan nga si Alyas Crispin, 31-anyos, usa ka manininda og isda ug residente sa Purok 4, Barangay Indalasa. Malampusong gipahigayon ang operasyon sa mga otoridad pasado alas 2:48 sa hapon diin wala na makapugong ang suspek sa dihang gipakita kaniya ang maong mando sa korte.
Alang sa iyang temporaryong kagawasan, ang korte nagtakda og piyansa nga mukabat sa P72,000. Sa pagkakaron, ang suspek anaa na sa kustodiya sa Malaybalay City Police Station alang sa saktong dokumentasyon ug disposasyon sa iyang kaso.