Mianunsyo is U.S. President Donald Trump nga ihunong na sa Estados Unidos ang pagpamomba batok sa mga rebelding grupong Houthi sa Yemen human sa 51 ka adlaw nga pagbangi mahitungod sa pag-atake sa rebeldeng grupo sa mga barko sa Red Sea.
Matod ni Trump, muhunong na ang rebeldeng grupo og erespito sa U.S ang ilang panawagan nga muhonong na sa pagpamomba kanila bisan wala pa maghatag og klaro nga detalye ang U.S. Department of Defense bahin sa kalit nga pag-usab sa ilang estratehiya.
Sumala sa mga opisyal, labaw pa sa 1,000 ka target ang naigo sa operasyon, lakip na ang mga kampo, mga bodega sa armas, ug mga missile sa mga Houthi.
Wala mikumpiyansa ang grupong Houthi sa gisulti ni Trump mahitungod sa kagubot sa Gaza, nga dili muundang sa pag-atake ang Estados Unidos kung magpadayon pa ang kagubot sa maong lugar.
Nagpadayon gihapon ang mga pahimangno sa Estados Unidos batok sa Iran tungod sa suporta nga ilang gihatag sa Houthi, apan giingon sa U.S. State Department nga lahi kini gikan sa temporaryo nga kasabutan sa Houthi.