Gipasalig ni Department of Interior and Local Government (DILG) Secretary Juanito Victor ‘Jonvic’ Remulla nga mas pakusgan pa sa Philippine National Police (PNP) ang presensya sa mga tunghaan, bisan pa sa oras sa klase.
Sumala sa opisyal, tumong niini nga mapabati sa mga ginikanan ug mga estudyante ang seguridad nga ilang gikinahanglan.
Dugang pa ni Remulla, kabahin kini sa trabaho ug mandato sa kapolisan lakip na sa lokal nga kagamhanan
Gihangyo usab sa niini ang publiko nga kung luyo niini nga kamanduan duna gihapoy mga tunghaan nga walay makit-ang pulis, itawag dayon kini sa 911 aron daling makapadala og mga personahe sa PNP sa maong dapit
Gipalig-on na usab sa National Capital Region Police Office (NCRPO) ang presensya sa mga nag-unang terminal sa transportasyon ug mga dagkong dalan, ilabi na niining panahon sa Summer Vacation.
Matud ni NCRPO Regional Director PMGen. Anthony Aberin, naggahin kini og dugang mga personahe nga i-deploy sa mga dagkong transportation hubs.