Dako ang kalipay ug pasalamat ni Pangulong Ferdinand “Bongbong” Marcos Jr. human hingpit nga gibasura sa House of Representatives ang impeachment complaint nga gipasaka batok kaniya tungod sa kakuwang sa basehan. Sumala ni Palace Press Office Undersecretary Claire Castro, ang maong desisyon nagpakita sa pagtuo sa 284 ka mambabalaod sa kamatuoran, samtang nagpabiling nakatutok ang Pangulo sa iyang mga programa alang sa ekonomiya ug serbisyo sa katawhan.
Tungod sa maong pagbasura, hingpit na usab nga gipatuman ang “one-year bar rule,” diin dili na mahimong pasakahan og susamang reklamo ang Pangulo hangtod sa Enero 26, 2027. Gipasabot ni House Committee on Justice Chairperson Jervic Jinkee Bitrics Luistro nga bisan og husto ang porma sa reklamo, napakyas kini sa paghatag og lig-ong ebidensya ug dili angay gamiton ang impeachment isip “political theater” lamang.