Padayon ang kagubot sa Iran sa ikalimang adlaw sa protesta batok sa pagsaka sa mga galastuhon ug pag-ubos sa bili sa Iranian currency.
Unom ka tawo ang kumpirmadong namatay diin duha sa Lordegan, ug tulo sa Azna, ug usa sa Kouhdasht tungod sa mga engkuwentro tali sa mga raliyista ug security forces sa kasadpang bahin sa Iran.
Aduna usab pagsunog sa mga sakyanan samtang nagpadayon ang panagbangi.
Ang mga protesta nagsugod human sa kalit nga pagkunhod sa bili sa salapi batok sa US dollar, una nga gipangunahan sa mga negosyante ug gisundan sa mga estudyante.
Nanawagan ang mga rayilista nga tapuson ang pagdumala sa Supreme Leader sa nasud ug ang uban nanawagan nga ibalik ang monarkiya.
Gikataho nga aduna usab myembro sa security forces nga konektado sa Islamic Revolutionary Guards Corps kon IRGC ang nakabsan sa kinabuhi tungod sa kagubot.
Nasamdan usab ang 13 ka pulis ug myembro sa Basij human gibato sa mga demonstrador. Samtang, matud ni President Masoud Pezeshkian, andam ang gobyerno nga maminaw sa mga mulo sa mga nagprotesta, apan mipahimangno usab si Prosecutor General Mohammad Movahedi-Azad nga pahamtangan og tukmang silot ang nagpasiugda sa kagubot.