Gipahimangnoan sa Bureau of Immigration ang publiko kabahin sa nagpadayon nga mga kaso sa pagpanikas o scam batok sa mga Pilipino.
Matud sa buhatan, adunay bag-ong modus nga gapangbiktima sa mga Pilipino nga moapil sa ‘stock market related scams’.
Matud pa, nga ang pamaagi hangyoon ang mga biktima sa pag-solicit sa mga kaubang Pilipino nga mamuhunan sa gitawag nga ‘stock trading platforms’ o ‘pseudo investment accounts’.
Gikaingong kini kontrolado sa mga sindikatong kriminal.
Base sa imbestigasyon, ang mga biktima nga mapakyas sa pagkab-ot sa inadlaw nga ‘quota’ o mobalibad sa order makasinati og physical, psychological abuse.
Lakip usab ang torture, pagpanghadlok, ug pugson sa pagtuman sa mga mando sa sindikato.
Nunot niini, gipahimangnoan ni Bureau of Immigration Comm. Joel Anthony Viado ang publiko batok sa maong mga sindikato nga nagpahimulos sa pagsalig sa mga Pilipino ug nangita sa pinansyal nga interes.