Malampusong nasikop sa mga otoridad ang usa ka target-listed personality sa gikasang buy-bust operation batok ilegal nga droga sa lungsod sa Dangcagan, Bukidnon, niadtong Mayo 5.
Sa report gikan sa kapulisan, giila ang suspek nga usa ka 40-anyos nga lalaki nga nadakpan alas-7:43 sa gabii. Narekober gikan sa iyang posisyon ang upat ka sachet sa gituohang shabu, lakip ang usa ka matchbox, cellphone, ug ang P500 nga marked money nga gigamit sa operasyon.
Nasayran nga ang nakumpiskar nga droga duna’y gibug-aton nga 0.326 gramos nga gibanabanang nagkantidad og kapin P2,000. Sa pagkakaron, ang suspek nagtingkagol na sa Dangcagan Municipal Police Station alang sa hustong disposisyon samtang giandam na ang kasong paglapas sa Republic Act 9165 batok kaniya.