Gisusi na sa Iran ang gitanyag nga peace proposal sa Estados Unidos aron tapuson ang panagbangi sa Middle East dungan sa pagpahugot sa kontrol sa Strait of Hormuz.
Tungod sa gipatuman nga mas istrikto nga clearance system sa Iran, gideklarar sa maritime intelligence firm nga Lloyd’s List nga sirado na ang maong importanteng agianan sa mga barko.
Gibanabana sa International Maritime Organization kon (IMO) nga moabot sa 1,500 ka mga barko ug dul-an sa 20,000 ka mga tripulante ang kasamtangang stranded sa Persian Gulf tungod niini nga tensyon.
Gipadayag sa secretary-general sa IMO nga ang maong mga trabahante mga inosenteng biktima lamang nga naangin sa geopolitical nga panagbangi tali sa Amerika ug Iran.
Samtang masaligon si U.S. President Donald Trump nga mamaayo ang dagan sa negosasyon, diin nagbahad usab kini nga mopahigayon og mas kusog nga military strikes kon isalikway sa Iran ang ilang tanyag.