- Advertisement -
Patay ang 6-anyos nga batang lalaki sa India human giingong gisagpa kini sa iyang magtutudlo tungod sa kulang niyang assignment atol sa klase niadtong milabayng adlaw.
Giingong kalit nga nawad-an og panimuot ang bata human sa insidente ug gidala sa ospital, apan gideklarar na kining patay.
Matud sa amahan, himsog ug lagsik pa ang iyang anak sa wala pa mosulod sa eskwelahan.
- Advertisement -
Nagtuo ang pamilya nga adunay kalabotan ang insidente sa pagkamatay sa bata, apan wala pa gipagawas sa mga otoridad ang tukmang hinungdan sa iyang pagpanaw.
Padayon ang imbestigasyon sa mga otoridad sa maong insidente.
- Advertisement -