Pangilinan, gikwestyon ang pagkahurot sa paggamit sa confidential funds sa OVP

Gipunting ni Senator-Judge Francis “Kiko” Pangilinan nga base sa mga record sa encashment, nga matud pa kanunay mahurot ang confidential funds sa Office of the Vice President ug Department of Education ubos sa pagpangulo ni Vice President Sara Duterte.

Sa iyang pagpangutana kang kanhi COA auditor Atty. Roderick Wamil, gipatin-aw sa testigo nga dili tanan nga ahensya sa gobyerno mahurot ang ilang confidential funds.

Nabantayan usab ni Pangilinan ang laing iyang kabalaka sa mga acknowledgment receipts sa OVP.

Matud ni Pangilinan, kadaghanan sa mga kantidad nga nakasulat sa mga resibo puro mga whole amount sama sa ₱250 ug ₱500, nga walay bisan usa ka sentimo o decimal amount.