Sen. Imee Marcos, gikwestyon ang accountability sa paggamit sa confidential funds sa DepEd

Misamot ang tensyon sa pagpangutana ni Senator-Judge Imee Marcos kang kanhi Commission on Audit Auditor Atty. Roderick Wamil kabahin sa accountable officer sa paggamit sa confidential funds.

Gipunto ni Senator Marcos nga sa Department of Education, ang designated Special Disbursing Officer o SDO maoy accountable officer ug dili si Vice President Sara Duterte, tungod kay ang SDO ang nakadawat ug nagdumala sa cash advance.

Apan gipatin-aw ni Wamil nga dili lamang kutob sa SDO ang accountability ubos sa Joint Circular 2015-01.

Matud ni Wamil, adunay responsibilidad ang Head of Agency sa pag-apruba sa cash advance, pag-monitor sa paggamit sa pondo sa tibuok ahensya, ug pagsiguro nga masunod ang mga probisyon sa Joint Circular.