Nagpadayon ang impeachment trial batok kang Vice President Sara Duterte diin nagdumili ang depensa sa pag-stipulate sa pipila ka dokumentong gipresentar sa prosecution, lakip ang kapin 1,000 ka acknowledgment receipts nga may kalabotan sa confidential funds sa Office of the Vice President niadtong 2023.
Sumala sa defense counsel pinaagi ni Atty. Kristine Ferrer nga dili sila mahimong mouyon sa mga dokumento tungod kay wala kini gimarkahan isip ilang exhibits ug wala pa nila matandi ang mga acknowledgment receipts sa ilang kaugalingong mga kopya.
Gisupak usab sa depensa ang pagpasusi sa 845 ka acknowledgment receipts gawas sa impeachment court, ilabi na sa paagi sa pag-review niini.
Gitin-aw ni Presiding Officer Francis “Chiz” Escudero nga ang kasamtangang proseso sa impeachment trial usa ka higayon alang sa depensa nga matandi ang ilang mga kopya sa acknowledgment receipts o ARs ngadto sa mga dokumentong anaa sa Commission on Audit.
Samtang gipadayag usab ni Private Prosecutor Atty. Lorna Kapunan kung kaugalingong dokumento sa depensa ang gamiton, dili na kinahanglan nga magpadayon pa ang debate bahin sa pagkatinuod o authenticity niini.