Nagpulong ang mga kaalyado sa Ukraine sa Paris alang sa mahinungdanon g pakigpulong nga posibleng makatabang sa seguridad sa nasud kung makab-ot ang usa ka ceasefire sa Russia.
Apan ang pag-uswag nahimong dili sigurado gumikan nabalhin ang pokus sa administrasyon ni Trump sa Venezuela.
Kaniadtong Disyembre 31, si French President Emmanuel Macron, miluwat nga ang mga kaalyado maghimo konkretong commitments aron mapanalipdan ang Ukraine ug makab-ot ang usa ka matarong ug malungtaron nga kalinaw.
Ang panagpulong gitambongan sa 35 nga mga opisyal, lakip ang 27heads of state, samtang ang US girepresentahan sa mga envoys nga si Steve Witkoff ug Jared Kushner, imbes nga Secretary of State nga si Marco Rubio, nga nagbag-o sa plano tungod sa Venezuela.
Gitumong sa maong panagpulong ang pagkab-ot sa konkretong mga lakang sa lima ka prayoridad sama sa pagmonitor sa ceasefire; suporta alang sa armadong pwersa sa Ukraine; pagbutang sa usa ka multinational force; mga garantiya batok sa posible nga bag-ong agresyon sa Russia; ug long-term defense cooperation.
Apan dili klaro kung makab-ot ba kini nga mga katuyoan samtang nakapokus ang US sa aftermath sa pagdumala sa Venezuela.
Samtang gusto sa Ukraine ang lig-on nga garantiya sa militar ug uban pang suporta gikan sa Washington adisir makuha ang mga commitment gikan sa ubang mga kaalyado, tungod nabalaka kini nga magamit sa Russia ang ceasefire aron maglusad og laing pag-atake.