Upat ka mga kongresista gikan sa Bukidnon ang nagkahiusa sa pagpadayag sa ilang tagsa-tagsa ka baruganan atol sa makasaysayanong impeachment vote batok kang Bise Presidente Sara Duterte kagahpong adlawa, Mayo 11, 2026.
Base sa opisyal nga breakdown sa Bukidnon, duha ka mga representante ang niboto og “YES” nga sila si Cong. Jose Manuel Alba gikan (Distrito 1) ug Cong. Jonathan Keith Flores (Distrito 2), samtang si Cong. Laarni Lavin Roque (Distrito) sa Bukidnon nitala og botong “NO”, diin nitipon kini sa upat ka mga mambabalaod gikan sa Cebu.
Ang maong “No” votes kabahin sa 25 ka mga kongresista nga nibarog batok sa impeachment, samtang ang kinatibuk-ang “House Count” niabot og 257 ka mga paborableng boto.
Tungod sa maong mayorya, ang pormal nga reklamo opisyal nang gipasa ngadto sa Senado alang sa himoong trial, samtang nagpabiling rason sa maong mga magbabalaod ang pagpanalipod sa proseso ug kalig-on sa gobyerno.
Sa pikas bahin, si Cong. Audrey Kay Zubiri (Distrito 3) nideklarar og “ABSTAIN” o walay gipili.
Matud sa maong mambabalaod kini kabahin sa iyang baruganan ug ang pagpanalipod sa katungod sa iyang bana nga si Senator Juan Miguel Zubiri isip hukom sa umaabot nga impeachment trial.