Gikwestiyon ni Bise Presidente Sara Duterte ang pagsulay nga pag-aresto kang Senador Ronald ”Bato” dela Rosa base sa warrant of arrest nga gikan sa International Criminal Court (ICC).
Sa usa ka interview sa The Hague, gipasabot niini nga ang bisan unsang warrant nga gikan sa laing nasud kinahanglang moagi una sa lokal nga korte sa Pilipinas sa dili pa kini isilbi.
Matud pa sa Bise Presidente, susama sa nahitabo kang kanhi Presidente Rodrigo Duterte niadtong Marso 2025, usa kini ka sayop nga proseso kon dili mosunod sa judicial process sa nasud.
Ang maong warrant, nga gihulagway kaniadto nga “secret” niadtong Nobyembre 2025, adunay kalabotan sa kampanya batok sa gidili nga droga sa miaging administrasyon diin si Dela Rosa ang nagsilbing hepe sa PNP.
Sa pikas bahin, gipasalig ni Senate President Alan Peter Cayetano nga dili arestuhon ang senador nianang human sa pakig-istorya niini kang NBI Director Melvin Matibag.
Gipasabot sa liderato sa Senado nga kinahanglan ang koordinasyon sa lokal nga korte sa dili pa ipatuman ang bisan unsang langyaw nga kamanduan sa pag-aresto.