Gibalhin na usa usa ka ospital si Iranian Nobel Peace Prize Winner Narges Mohammadi, human kini gi-atake sa kasingkasing duha ka semana ang milabay.
Sumala sa foundation nga gidumala sa iyang pamilya, ang sentensiya niini temporaryong gisuspinde baylo sa dakong piyansa aron makadawat og mas maayong medikal nga atensyon.
Si Mohammadi, 54 anyos, gihatagan sa Nobel Peace Prize niadtong 2023 samtang naa sa prisohan tungod sa iyang kampanya alang sa mga katungod sa kababayen-an ug pagsupak sa silot nga kamatayon sa Iran.
Gikan sa prisohan sa Zanjan, gidala kini sa Pars Hospital sa Tehran diin padayong nagpaalim uban sa iyang kaugalingong medical team.
Niadtong Pebrero, si Mohammadi gisentensiyahan og laing pito ka tuig nga pagkabilanggo. Ingun man nga gidakop usab kini niadtong Disyembre human gikondena ang kamatayon sa abogado nga si Khosrow Alikordi.