P320 bilyon nga kita, posibleng mawala kung suspindihon ang VAT sa lana – Sen. Lacson

Nagpasidaan si Senator Ping Lacson nga posibleng moabot sa P320 bilyon ang mawala nga kita sa gobyerno kung ipatuman ang mga panawagan nga suspindihon ang excise tax ug lakip usab ang VAT (value-added tax) sa lana.

Sumala ni Lacson, nga kung buhaton kini, dako kaayo ang epekto sa pondo sa nasud ug mahimong makaguba sa balanse sa ekonomiya.

Gipahimangnoan ni Lacson nga kinahanglan pag-ayo nga tun-an sa mga economic managers ug sa Malacañang ang sugyot nga suspensyon sa VAT aron masiguro nga ang lakang makatabang lamang sa publiko ug dili makadaot sa kita sa gobyerno.