Nagpahigayun og pagdungog sa House Committee on Ways and Means diin gihisgutan ang supply sa enerhiya ug pagtaas sa presyo sa lana sa nasud, samtang nagpadayon ang tensyon sa Middle East.
Gikwestyon ni ACT Teachers Party-list Rep. ug Deputy Minority Leader Antonio Tinio nganong lakip ang Pilipinas sa mga nasud nga dunay pinakataas nga pagtaas sa presyo sa krudo.
Sumala Department of Energy Secretary Sharon Garin nga walay overpricing nga nahitabo, ug nagdepende ang presyo sa krudo sa presyo sa merkado, buwis, ug uban pang galastuon.
Dugang pa niini, gumikan sa liberal ang oil industry sa Pilipinas, limitado ang gahum sa gobyerno sa pag-regulate sa presyo direkta.
Nagpabilin usab nga vulnerable ang Pilipinas sa paglihok sa presyo sa lana tungod wala kini’y Oil Stabilization Fund, dili sama sa ubang nasud nga adunay subsidy.
Matud ni Tinio nga kinahanglan ipakita sa publiko ang breakdown sa presyo sa lana aron mas transparent, samtang sigon ni Garin nga pagatan-awon pa kung unsang datos ang mahimong ipahibalo sa publiko.
Gipasabot niini, nga bisan taas ang porsyento sa pagtaas sa presyo sa Pilipinas, dili kini ang pinakataas nga aktwal nga presyo kumpara sa ubang nasud.