Dakong rollback sa presyo sa produktong petrolyo lauman karong adlawa

Lauman ang rollback o pagkunhod sa presyo sa produktong petrolyo karong adlawa human sa pila ka semana nga pagsaka sa presyo sa lana, tungod sa pag-uswag sa negosasyon alang sa posibleng peace deal tali sa United States ug Iran.

Base sa pagbana-bana, posible nga mokunhod og P6.50 hangtod P7.50 matag litro sa diesel ug P3.50 hangtod P4.50 matag litro sa gasolina, sumala sa upat ka adlaw nga average sa Mean of Platts Singapore nga maoy nag-unang benchmark sa presyo sa pinino nga produktong petrolyo sa Asia-Pacific.

Ang pinal nga adjustment mahimo pang mausab depende sa resulta sa nabiling trading days, samtang gilauman usab nga molambo ang supply sa diesel ug magpabilin sa hugot nga range ang presyo sa gasolina sa merkado sa Asia.