Metallic mineral production sa nasud, misaka og 28.6% sa unang kwarter 

Misaka og 28.6% ang kantidad sa metallic mineral production sa nasud sa unang kwarter, nga mikabat sa P82.78 bilyon tungod sa taas nga presyo sa bulawan ug nickel.

Bisan og miubos ang gidaghanon sa pipila ka mineral, matod sa Chamber of Mines of the Philippines nga gipaigo kini sa lig-on nga presyo sa merkado.

Giingon usab sa grupo nga ang pagkunhod sa gidaghanon sa produksyon dili angay kabalak-an kay tungod lang kini sa maintenance ug panahon, apan nagpabiling tutok ang industriya sa pagsaka sa gasto sa kuryente ug krudo nga posibleng makaapekto sa ilang kita.