Nanawagan ang usa ka student leader ug nagpadayag sa iyang sintemento sa tunga-tunga sa pagpangandam alang sa pagbukas sa klase karong Brigada Eskwela 2026.
Mipaambit sa iyang kabalaka kalabot sa mga nag-unang isyu nga giatubang sa nasud, si alyas “Mikee,” ang presidente sa Youth for Environment and School Organization sa Malaybalay City Central School.
Giawhag usab niini si Presidente Ferdinand Marcos Jr. nga hatagan og prayoridad ang pagsulbad sa kurapsyon ug ang pag-atiman sa mga suliran sa gasolina ug kuryente nga direktang nakaapekto sa kinabuhi sa mga Pilipino.
Lakip sa panawagan niini ang politikal nga mga hagit ug ang padayong krisis sa ekonomiya.
Matud pa sa batan-ong lider, gikinahanglan ang panaghiusa sa tanan pinaagi sa pag-ampo ug pagtinabangay aron masolusyonan ang mga problema sa katilingban ilabana ang hisgutanan sa lana ug enerhiya.
Isip kabahin sa ilang pagpangandam alang sa pagbukas sa klase, gipadayag sa maong grupo ang dedikasyon sa pagtabang sa mga ginikanan ug mga estudyante.
Sumala kang alyas “Mikee,” nga ang ilang organisasyon andam nga mohatag og assistance ilabi na sa mga bag-ong estudyante o transferry nga tingali naglisod pa sa pag-anad sa bag-ong eskwelahan.