Dungan nga natingkagol sa managlahing operasyon sa kapolisan ang 4 ka indibidwal human makuhaan og kapin 12000 kantidad sa gituohang smuggled nga sigarilyo sa lungsod sa Kalilangan Cabanglasan ug siyudad sa Valencia Bukidnon.
Didto sa Kalilangan nasakpan sa Central Poblacion ang 2 ka lalaki nga nag-edad og 46 ug 34 anyos nga nag-display og mga sigarilyong walay graphic health warnings diin nakumpiska gikan kanila ang mga smuggled na sigarilyo nga nagbalor og 3200. Samtang sa Barangay Paradise lungsod sa Cabanglasan sikop usab ang usa ka 27 anyos nga lalaki human makuhaan og mga muggled na sigarilyo nga adunay balor nga 3680.
Samtang laing 46 anyos nga lalaki ang nasakote sa Poblacion Valencia City nga giingong nag-apod-apod sa mga sigarilyong ilegal nga nagkantidad og 4800. Ang maong mga operasyon nagmalampuson pinaagi sa tabang ug impormasyon gikan sa mga concerned citizen diin ang mga dinakpan ug ebidensya gidala na sa tagsa-tagsa ka police station sa dili pa itugyan ngadto sa City ug Municipal Health Offices.