- Advertisement -
Makig-uban ang Pinay tennis star nga si Alex Eala sa kanhi World No. 1 ug pitong higayon nga Grand Slam champion nga si Venus Williams alang sa doubles tournament sa WTA 500 Bad Homburg Open karong Hunyo 21 didto sa Germany.
Nakadawat og wild card entry ang duha aron magka-partner sa unang higayon, gawas pa sa nakuha nilang slots aron makadula usab sa singles competition sa maong torneyo.
Sa pagkakaron, anaa pa sa England si Eala aron modula sa Birmingham Open isip bahin sa iyang pangandam sa dili pa isabak sa prestihiyosong Wimbledon karong katapusan sa Hunyo.
- Advertisement -