Gipadayag sa pipila ka senator-judge nga dako ang ikatabang sa ilang pagdesisyon sa voting threshold sa impeachment trial ni Vice President Sara Duterte ang mga opinyon sa mga amici curiae, ilabina sa interpretasyon sa Konstitusyon.
Matud ni Senator-Judge Panfilo Lacson, daghan siyang nakat-unan gikan sa mga kanhing mahistrado bahin sa textual ug contextual interpretation, patas nga paghukom, ug sa interpretasyon sa “all means all” nga nagpasabot nga 24 ka senador ang mahimong basihan sa threshold.
Samtang, si Senator-Judge Vicente “Tito” Sotto III miingon nga nakurat siya sa posisyon ni kanhing Chief Justice Hilario Davide Jr. nga lahi sa iyang gilauman.
Alang kang Senator-Judge JV Ejercito, nga dako usab og ikatabang ang mga legal nga opinyon sa iyang pagdesisyon, ilabina sa threshold ug sa isyu kung mahimong makaboto ba ang mga senator-judge nga wala makatambong sa mga hearing.
Giklaro usab ni Ejercito nga mas maayo unta kung personal nga makatambong ang tanang senator-judge sa pagdungog aron ilang makita ug madungog mismo ang mga testigo, lakip ang ilang demeanor ug paagi sa pagtubag sa mga pangutana.