Kumpiyansa ang House prosecution nga igo ang ilang mga ebidensya aron mapamatud-an ang giingong responsibilidad ni Vice President Sara Duterte sa impeachment trial, bisan unsa pa ang mahimong voting threshold sa Senate Impeachment Court.
Sumala kang kanhing Surigao del Norte Representative ug prosecution spokesperson Ace Barbers, klaro nga gipakita sa mga ebidensya nga ilang gipresentar ang ilang mga alegasyon sa upat ka Articles of Impeachment.
Dugang pa ni Barbers nga anaa sa Senate Impeachment Court ang pagdesisyon kung unsa ang mahimong voting threshold ug mga lagda nga sundon sa pagdungog.
Samtang, sigon si 1-Rider Partylist Representative Rodge Gutierrez nga hisgutan pa sa prosecution panel ang ilang posisyon bahin sa voting threshold sa dili pa ang oral arguments nga gikatakdang himuon sa sunod semana.