Gitun-an na sa Senado ang posibilidad nga pormal nga ipatuman ang “no-work, no-pay” rule alang sa mga senador nga mo-absent nga walay pagtugot, sumala kang Sen. Panfilo “Ping” Lacson.
Matud ni Lacson, daghang senador ang pabor nga amyendahan ang Senate rules aron adunay opisyal nga mekanismo sa pagsuspinde o pagpahunong sa suweldo ug allowance sa mga miyembro nga adunay unauthorized absence.
Dugang pa niini, dili igo nga boluntaryo lamang nga dili dawaton sa usa ka senador ang iyang suweldo samtang wala siya sa trabaho.
Kinahanglan usab matu pa og pormal nga pahibalo ngadto sa Land Bank of the Philippines ug sa Treasury aron opisyal nga masuspinde o mahunong ang pagbayad sa suweldo sa maong senador.
Nahimong isyu kini human sa dugay nga pag-absent ni Sen. Ronald “Bato” dela Rosa, nga wala na nakatambong sa Senado sukad Nobyembre 2025, gawas sa pipila ka adlaw niadtong Mayo.
Base sa mga report, boluntaryo nga wala dawata ni Dela Rosa ang iyang suweldo ug allowance samtang wala siya sa Senado.