Nagsumite na ang Philippine General Hospital o PGH sa Sandiganbayan sa medical examination report ni kanhi House Speaker Martin Romualdez, nga giatubang ang nonbailable nga kaso nga plunder.
Gamiton ang maong report aron matino kung kinahanglan pa bang magpabilin si Romualdez sa PGH o mahimo na siyang ibalhin sa New Quezon City Jail sa Payatas, diin gipriso ang ubang mga giakusahan nga nalambigit usab sa flood control scam.
Gilauman nga moatubang sa Sandiganbayan karong Lunes si PGH Director Dr. Gerardo Legaspi o ang iyang representante aron ipresentar ang resulta sa independent medical examination ug matino kung aduna pa bay medical necessity aron palawigon ang confinement ni Romualdez sa ospital.
Kahinumduman, nga nagpadayag ang abogado ni Romualdez nga si Atty. Ade Fajardo, nga tinuod ug dokumentado ang kondisyon sa panglawas ni Romualdez ug dili kini pagpaka aron-ingnon lamang.