Nagsunod-sunod ang pagkahulog sa baling sa kapolisan sa duha ka Street Level Individuals (SLI) sa gipahigayong managlahing drug buy-bust operations sa lungsod sa Maramag ug Don Carlos, Bukidnon niadtong Septyembre 11, 2026.
Unang nasikop sa mga tinugyanan sa balaod sa Purok 7, Barangay Don Carlos Norte sa lungsod sa Don Carlos ang usa ka 23-anyos nga lalaki pasado alas-6 sa gabii human nakuhaan og 0.5 ka gramo sa gituohang shabu nga nagbalor og ₱3,400 ug ang ₱500 nga buy-bust money.
Pagka-alas-11 sa gabii, nadakpan usab sa Purok 8A, South Poblacion, Maramag ang usa ka 35-anyos nga lalaki human gisakmit gikan sa iyang posisyon ang lima ka gramos nga shabu nga adunay standard drug price nga ₱34,000.
Ang maong mga operasyon gipahigayon sa lokal nga stasyon sa kapolisan kauban ang 2nd Bukidnon PMFC ug Provincial Intelligence Unit sa pagpanguna ni Bukidnon Police Provincial Office Director PCOL Oliver Sotto Navales. Giandam na ang mga kasong paglapas sa Republic Act 9165 batok sa duha ka suspek nga kasamtangang gitanggong sa matag stasyon sa kapolisan.